Ipuin eta letren terrazak 2026: euskara erabiltzearen eta umeen irakurzaletasunaren aldeko proposamena
Aurreko urteetan bezala, Arrigorriagako Udaleko Euskara Sailak Ipuin eta Letren Terrazak izeneko programa antolatu du.
Programa horrek helburu du euskaraz irakurtzeko eta idazteko zaletasuna sustatzea 4 eta 11 urte bitarteko ume eta gazteen artean. Horretarako, hainbat gune jarriko dituzte: irakurketarako gunean ipuin, liburu eta komikiak irakurtzeko txokoa. Bertan kuxinak, hamakak eta jesarleku erosoak izango dituzte. Eta oraindik irakurtzen ez dakitenentzat puzzleak eta margotzeko materialak. Horrela parkea liburutegi txikia bihurtuko zaigu.
Bestalde, Sorkuntzarako gunean, egunero, 7 urtetik goragoko haurrek hainbat tailer aurkituko dituzte. Programa osatzeko, astean behin ikuskizun bat eskainiko da: txotxongiloak, klownak edo ipuin-kontalariak.
Liburu eta Letren Terrazak ekainaren 22an hasi eta uztailaren 10ean amaituko da, astelehenetik ostiralera. Programa 17:00etatik 19:30era bitartean egingo da Agirre Lehendakariaren parkean. Eguraldi txarra eginez gero, Edurne Garitazelaia kultur etxera eramango dute.
