Hizkuntza eroso eta erraz hitz egin eta erabiliko bada, elikatu egin behar da, euskarazko edukien bidez eta horiek sortzen dituzten euskal eragileen bidez (hedabideak, argitaletxeak, ikastetxeak, zientzia-eragileak, etab.). Euskal hiztunak euskaraz behar ditu ereduak eta edukiak, bere hizkuntza jarduna aberasteko.

Euskararen erabilerak bi arlo nagusi ditu: bata sorkuntza eta bestea kontsumoa. Beraz, lehenik eta behin, euskarazko kalitatezko sorkuntza sustatu eta babestu behar da eta, horrekin batera, euskarazko kontsumoa indartu behar da ikuspegi askatzaile batetik euskal kulturaren industriarekiko, ekoizleekiko eta sortzaileekiko.

Ipuin eta Letren Terrazak

Helburua: jolasaren ildoko ekintzak antolatzea umeek euskara modu ludikoan erabil dezaten.

Udan eta 4 eta12 urte bitarteko haurrentzat dago antolatuta.

Irakurriz gozatu ekimena

Helburuak bi dira: bata,  gazteen artean euskarazko irakurzaletasuna bultzatzea eta, bestea, euskarazko produktu idatzien kontsumoa bultzatzea.

Xede horiek lortzeko Gaztezulo aldizkaria tresna gisa erabiltzen da paper formatuan eta herriko ikasleen artean banatzen da Actividad cultural.

Euskal produktuen katalogoa

Katalogoaren helburua euskaraz argitaratzen diren produktu berrienak eta eurei buruzko informazioa gurasoen eskura jartzea da. Katalogoan musika arloko produktuak, informatika arlokoak, bideoak, DVDak, liburuak, komikiak, jostailuak, jokoak edota aldizkariak agertuko dira.

Lagunarteko hizkerarekin solasean

Gazteei zuzendutako programa bat da. Programaren helburua: ikastaro honen bitartez, gazteek hizkuntzekiko eta bereziki euskararekiko jarrera kontzientea hartzea lortu nahi da. Adina: DBH 3. eta 4. mailak.

Apelliduak abizendu kanpaina

Kanpaina honen helburua da herritarrei jakinaraztea zeintzuk diren eman behar dituzten urratsak euren izen abizenen grafia euskarara aldatzeko.

 Informazio gehiago (PDF 164 KB)

Abenduaren 3ko programa

Abenduaren 3a, Euskararen Nazioarteko Eguna ospatzeko asmoz hainbat jarduera antolatzen ditugu udal liburutegietan, ikastetxeetan eta udalerrian egiteko.

Informazio gehiago (PDF 41,2KB)

2014ko egitaraua (PDF 168KB)

2016ko egitaraua (PDF 671KB)

Programa Euskal Astea

Euskal astea programaren helburua euskara eskola eremutik ateratzea da, haurrek eta gazteek euskara ikastetxea ez den gainerako eremuetan erabiltzea. Aste beteko programa da eta jarduera ugari antolatzen dira; esaterako, antzerkia, herri kirolak, hitzaldiak, jolasak.

 Euskal Astea 2016 (PDF 476KB)

Zuztarretatik ahora

Nerbioi-Ibaizabal eskualdeko udalek Arakaldo, Arrankudiaga, Arrigorriaga, Basauri,  Etxebarri, Galdakao, Orozko, Ugao-Miraballes eta Zaratamo , impulsaron el proyecto denominado “Zuztarretatik Ahora” izeneko proiektua  sortu zuten. Proiektuaren helburua: Nerbioi- Ibaizabal eskualdeko euskal ondare, etnografiko, linguistiko eta kulturala biltzea, sailkatzea eta hedatzea. Lelo horren pean sortutako materiala eskualdeko umeentzako eskolarako material osagarria  da (edo etxean gurasokein erabiltzekoa), hezkuntza zikloen arabera eraturik datorrena, indarrean dagoen Hezkuntza Curriculumak zehazturiko edukiak lantzeko.

Gida osoa deskargatu (PDF 2,87MB)

Zuztarluze txapelketa

Zurtarretatik Ahora programan jasotako ondare horren gizarteratzean beste urrats bat eman nahi izan genuen. Horren ondorioz, Zuztarluze interaktiboaren diseinua eta garapena egiteaz batera bertako Lehen eta Bigarren Hezkuntzako ikastetxeetan ondare horrekin jolasteko eta txapelketa bat gauzatzeko egitasmoa landu zen.