Alkatearen agurra

Alcalde 
Arrigorriagako Udaleko webgunera ongietorria eman nahi dizuet.

Denborak, gertaerek eta hartzen ditugun erabakiek gu guztiok aldatzea ekartzen dute. Udalerriak ez daude etengabeko aldaketa horretatik kanpo, bereziki gure udalerria, Arrigorriaga, zeharo eraldatu baita azken hamarkadetan, hirigintzari, gizarte arloari eta giza alderdiei dagokienez. Garapen iraunkorrean eta bizi-kalitatea hobetzean oinarritzen den eraldaketa izan da. Taldean egindako lana izan da, behar bezala gidatutakoa nire aurretik karguan egondako Patxi Otxoa, María José Albizua eta Alberto Ruíz de Azúaren eta udaleko gobernu taldeen eskutik, baita aitorpen ugari jaso dituena ere; besteak beste, nabarmentzekoa da Oviedoko Unibertsitateak 2012. urtean egindako ikerketa, “Quality of life ranking of Spanish municipalities” izenekoa; horren arabera, Arrigorriaga bizitzeko euskal udalerri egokienen artean hirugarrena da, eta estatu mailan, berriz, hamalaugarrena.

Gobernu talde honen egitekoa kudeaketa efikaz eta eraginkor baten bidez biztanleen zerbitzura jardutea da, herritarren iritziz Arrigorriaga bizitzeko herririk onena izan dadin, betiere zerbitzuen kalitatea etengabe hobetu eta garatzeari esker. Udalbarria proiektua abian jarri eta garatu izanak argi uzten du administrazioa herritarrak laguntzeko prest dagoela; gainera, administrazioan eta administrazioarekin egin behar diren tramiteak erraztu eta bizkortu egin dira, eta hori dela-eta, gero eta gardenagoa izango da eta herritarrengandik gero eta hurbilago egongo da.

Zure esku jartzen dugun webgune hau erakunde osoaren parte-hartze eta elkarlanaren emaitza da, eta udalerriko informazio orokor guztiaz gain, toki paregabea izango da zuzenean tramiteak, erreserbak eta hitzorduak egiteko, zure iritzia jakinarazteko edota jarduerei buruz informatzeko. Azken finean, udala zure zerbitzura dago. Goza ezazu!

  • Gardentasuna Bannerra

Alkatearekin harremanetan jarri

Udaletxea

Udaletxea
Urgoiti pasealekua, 57
48480 - Arrigorriaga
Tel: 944 020 200
Faxa: 944 020 209
IFK: P4801400E

Jendaurreko ordutegia:
astelehenetik ostiralera, 8:00etatik 14:45era

Ekainaren 1etik irailaren 30era udako ordutegia:
astelehenetik ostiralera, 8:00etatik 13:45era